राजविराज, १४ फागुन–वर्ष दिनदेखि तलब भत्ता नपाएको भन्दै सप्तरीको विष्णुपुर गाउँपालिकाका शिक्षक तथा कर्मचारीहरुले आन्दोलित भएका छन् ।
सोमवार बसेको शिक्षक तथा कर्मचारीहरुको बैठकले तलब भत्ता नपाएसम्म गाउँपालिकाभरिका विद्यालय बन्द गरी धर्ना बस्ने निर्णय गरेको हो ।
एक वर्षदेखि तलब भत्ता नपाउँदा घर व्यवहार चलाउन अप्ठ्यारो परेको हुँदा बाध्य भई सम्पूर्ण प्रधानाध्यापक, शिक्षक तथा कर्मचारीहरुको सामूहिक बैठकबाट सो निर्णय गरेको जनाएको छ ।
जमावि इटहरी विष्णुपुर हाटीको प्रधानाध्यापक कुशेश्वर मण्डलको अध्यक्षतामा बसेको बैठकबाट मण्डलकै संयोजकत्वमा ७ सदस्यीय संघर्ष समिति समेत गठन गरिएको छ ।
समितिको सदस्यहरुमा धनेश्वर साह, तेजनारायण यादव, सुनिलकुमार यादव, लालबहादुर यादव, सुमित्रादेवी मण्डल र सरोजदेवी मण्डल रहेका छन् ।
