काठमाडौं–जनता समाजवादी पार्टी नेपालबाट समानुपातिक सांसद बन्नुभएकी हसिना खानले प्रतिनिधिसभा सदस्यको पद तथा गोपनीयताको शपथ लिएकी छिन्।
शुक्रबार सिंहदरबारमा खानलाई सभामुख देवराज घिमिरेले प्रतिनिधिसभा सदस्यको शपथ गराएका हुन्। मञ्जु शर्मा अन्सारीको निधन भएपछि गत चैत २२ गते ललितपुरको बालकुमारीमा बसेको जसपाको केन्द्रीय कार्यकारिणी समितिको बैठकले रिक्त स्थानमा २७ वर्षीया खानको नाम सिफारिश गरेको थियो ।
जसपाबाट समानुपातिक सांसद बनेकी शहनाज रहमानको २०७९ फागुन १३ गते निधन भएपछि रिक्त रहेको स्थानमा मञ्जु सांसद मनोनित भएकी थिइन् । उनको पनि चैत ४ गते निधन भएपछि रिक्त स्थानमा हसिनालाई सिफारिस गरिएको हो ।
