राजविराज, ४ साउन–सहकारी ठगी तथा आर्थिक अपचलन गरेको आरोपमा राजविराज जेसिजका निवर्तमान अध्यक्ष सिद्धार्थ तातेर पक्राउ परेका छन् ।
उनी राजविराजस्थित कान्तिपुर बहुउद्देश्यीय सहकारी संस्थाका सचिव समेत हुन् । सहकारीमा बचतकर्ताहरूको रकम फिर्ता नगरेपछि ४५ जना बचतकर्ताहरूले दिएको उजुरीका आधारमा तातेडलाई बिहीबार नियन्त्रणमा लिइएको जिल्ला प्रहरी कार्यालयका डिएसपी ढुण्डिराज नेउपानेले जानकारी दिए ।
उनका अनुसार सहकारीका सचिव तातेडसहितका सञ्चालक समिति विरुद्ध सहकारीले पनि आर्थिक अपचलनको उजुरी छ ।
राजविराज नगरपालिका वडा नं ३ का वडा सदस्य समेत रहेका तातेडसहितले बचतकर्ताको डेढ करोड रुपैयाँ ठगी गरेको उजुरीमा उल्लेख रहेको छ भने सहकारीको दुई करोेड ३८ लाख रुपैयाँ अपचलन गरेको जनाएको छ ।
पक्राउ परेका तातेडलाई शुक्रबार नै ५ दिनको म्याद थप लिई अनुसन्धान भइरहेको डिएसपी नेउपानले बताए ।
