जनकपुरधाम, २२ साउन । धनुषाको विदेह नगरपालिका–२ स्थित दुहवीको आँप बगैँचामा बुधबार साँझ तस्कर समूह र सशस्त्र प्रहरी बलबीच झडप भएको छ।
भारतबाट अवैध रूपमा ल्याइएका भन्सार छलीका सामग्री नियन्त्रणमा लिन खोज्दा सशस्त्र प्रहरी बल नेपालका सुरक्षाकर्मीहरूमाथि तस्कर समूह र केही स्थानीयले ढुंगामुढा गरेका थिए।
महिनाथपुरस्थित प्रस्तावित सीमा सुरक्षा गुल्मबाट डीएसपी शैलेन्द्र थापाको नेतृत्वमा खटिएको टोलीले स्थिति नियन्त्रणमा लिन एसएलआरबाट ४ राउन्ड हवाई फायर गरेको जानकारी दिएको छ।
प्रहरीले घटनास्थलबाट एउटा मोटरसाइकल र केही किराना सामान बरामद गरेको छ।
image: https://pngtree.com/
