काठमाडौँ । नेपाल प्रिमियर लिग (एनपिएल)को आजको पहिलो खेलमा लुम्बिनी लायन्सले पोखरा एभेञ्जर्सलाई तीन विकेटले हराउँदै प्लेअफमा पुग्ने सम्भावना कायम राखेको छ।
आजको जितसँगै लुम्बिनी पाँच खेलबाट पाँच अंकसहित तालिकामा पाँचौं स्थानमा उक्लिएको छ। लुम्बिनीसँग हार्दै पोखराको प्लेअफमा पुग्ने सम्भावना भने अझै जीवित छ। पोखराले अहिलेसम्म खेलिएको चार खेलमध्ये एकमा मात्र जित हासिल गरेको छ र उसकासँग हाल दुई अंक मात्र छन्।
पोखराले दिएको १५१ रनको १९.४ ओभरमा सात विकेटको क्षतिमा लुम्बिनीले लक्ष्य पूरा गर्यो। लुम्बिनीका कप्तान रोहित पौडेलले ४० रन बनाउँदै टिमलाई मजबूत सुरुवात दिलाए भने निरोशन दिकवेल्लाले महत्वपूर्ण ३७ रन थपे। सन्दीप जोराले पनि २५ रनको योगदान दिए।
पोखरा एभेञ्जर्सका लागि विपिन खत्री, मार्क टेलर र सागर ढकालले दुई/दुई विकेट लिए भने जिमी निशमले एक विकेट लिएका थिए।
