दिपा यादव
राजविराज । सप्तरीको विष्णुपुर गाउँपालिकामा प्रथम पटक जिल्लास्तरिय अध्यक्ष कप फुटबल प्रतियोगिता आजदेखि शुरु भएको छ ।
क्लवका अध्यक्ष मो.सइमको अध्यक्षतामा आयोजित उद्घाटन वडा नम्बर १ का अध्यक्ष बलराम यादव लगायतले शुभकामना मन्तब्य व्यक्त गरे । उद्घाटन खेल शम्भूनाथ एफ.सी सप्तरी र बराहक्षेत्र फुटबल क्लव सुनसरीको विच भएको छ ।
जसमा शम्भुनाथले टाइब्रेकरमा ३–१ ले सुनसरीलाई पराजित गरेको छ । निर्धारित ९० मिनेट खेलमा समयको अभावले खेल ७० मिनेटमा छोट्याएको थियो । निर्धारित समयमा दुवै टिमले गोल गर्न नसकेपछि टाइब्रेकर मार्फत निर्णय गरिएको थियो । जसमा शम्भुनाथ एफ.सिले जित हासिल गर्यो । मङ्गलबारको खेल बरमझिया र अर्नाहा बिच हुने आयोजकले जनाएको छ ।
