जनकपुरधाम । देशभर पछिल्लो २४ घण्टामा थप ४ सय ४४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ९ सय ५४ जनाको नमूना परीक्षण गरिएको थियो ।
एक हजार ९ सय ९६ जनाको पीसीआर र २ हजार ९ सय ५८ जनाको एन्टिजेन विधिबाट परीक्षण गर्दा ४ सय ४४ जनामा संक्रमण पुष्टि भएको हो ।
सोही अवधिमा संक्रमणबाट थप ३ जनाको मृत्यु भएको मन्त्रालयले जनाएको छ । त्यस्तै, ३ सय ७ जना संक्रमित संक्रमणमुक्त भएका छन् ।
हाल देशभर ४ हजार १ सय ९९ जना सक्रिय संक्रमित रहेका छन् ।
