काठमाडौं, ३१ असार–त्रिशूली नदीमा बेपत्ता भएका यात्रु मध्ये अहिले सम्म १२ जनाको शव भेटिएको छ । गत शुक्रबार बिहान पहिरोले बगाएर त्रिशूलीमा बेपत्ता भएका दुई वटा बसका यात्रुहरू खोज्ने क्रममा अहिलेसम्म १२ जनाको शव भेटिएको प्रहरीले जानकारी दिएको छ।
चितवन, नवलपरासीको गैँडाकोट, त्रिवेणीको सुस्ता र गण्डक नहरमा ती शव भेटिएका हुन । अहिलेसम्म ७ जनाको सनाखत भएको र ५ जनाको सनाखत हुन बाँकी रहेको जिल्ला प्रहरी कार्यालय चितवनले जनाएको छ ।
काठमाडौँबाट गौरतर्फ गइरहेको बागमती प्रदेश०३–००१ख २४९५ नम्बरको बस र वीरगञ्जबाट काठमाडौँतर्फ गइरहेको बागमती प्रदेश०३–००६ख १५१६ नम्बरको बस भरतपुर महानगरपालिका–२९ सिमलतालमा पहिरो खस्दा शुक्रबार बिहान दुवै बस त्रिशूलीमा बगेका थिए ।
सो बसमा ६५ जना यात्रु थिए । जसमध्ये ३ जना पौडिएर बाच्न सफल भएका हुन । दुर्घटना ग्रस्त बस अझै भेट्न सकिएको छैन । आज चौथो दिन पनि नेपाल प्रहरी, शससत्र प्रहरी र नेपाल प्रहरीले खोजी कार्य जारी राखेको छ ।
