उमेशकुमार साह
बोदे बरसाईन । सप्तरीको विसनपुर–बोदे बरसाईन सडक खण्डमा तीन जना सवार मोटरसाईकल अनियन्त्रित भएर दुर्घटना भएको छ । गए राति भएको दुर्घटनामा एक जनाको मृत्यु भएको छ भने दुई गम्भीर घाइते भएका छन् ।
बोदे बरसाईन नगरपालिका–२ जोगियास्थित प्र २–०१–००१ प ६४०३ नम्वरको मोटरसाईकल दुर्घटनामा परेको हो । दुर्घटनामा खडक नगरपालिका–८ का १८ वर्षीय सुदिप चौधरीको मृत्यु भएको जिल्ला प्रहरी कार्यालयका डिएसपी भुवनेश्वर प्रसाद साहले जानकारी दिए ।
दुर्घटनामा गम्भीर घाइते भएका चौधरीको युनिक अस्पताल रुपनीमा उपचारको क्रममा मृत्यु भएको जनाएको छ । यसैगरी दुर्घटनामा घाइते भएका खडक–८ कै २७ वर्षीय सनी चौधरी र १८ वर्षीय दिवेश चौधरीको उपचार भइरहेको छ । उनीहरुको टाउको र शरिरको बिभिन्न भागमा चोट लागेको प्रहरीले जनाएको छ ।
यो पनिः
राजविराजतर्फ आउँदै गरेको माइक्रो दुर्घटना हुँदा ३ को मृत्यु, ८ जना घाइते
सप्तरीमा फेरि सडक दुर्घटनामा परेर एककाे मृत्यु, चार जना घाइते
