राजविराज, १३ साउन। सप्तरीमा मंगलवार पनि चार जना कोरोना संक्रमित थपिएका छन । शम्भुनाथ र बोदे बरसाईन नगरपालिकाका चार जना नयाँ संक्रमित फेला परेको स्वास्थ्य कार्यालय सप्तरीले जनाएको छ । योसँगै जिल्लामा संक्रमितको संख्या ४६६ जना पुगेको कार्यालयका प्रमुख प्रमुख दुनियालाल यादवले जानकारी दिए ।
बोदे बरसाइन नगरपालिका–५ का २४ वर्षीय तथा वडा नंं. ८ का १८ र २६ वर्षीय पुरुष र शम्भुनाथ नगरपालिका–३ का ३६ वर्षीय पुरुषमा कोरोना संक्रमण पुष्टि भएको जनाएको छ । यसअघि सोमवार पनि १५ जनामा संक्रमण पुष्टि भएको थियो ।
