जनकपुरधाम । पछिल्लो २४ घण्टामा देशभर १ हजार ३८० जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार शनिवार १ हजार ३८० जनामा कोरोना संक्रमण पुष्टि भएको हो ।
योसँगै संक्रमितको संख्या २ लाख ३० हजार ७२३ पुगेको छ । यसैगरी पछिल्लो २४ घण्टामा ५१५ जना कोरोनामुक्त भएर डिस्चार्ज भएका छन् । हाल सक्रिय संक्रमितको संख्या १८ हजार ८३ छ ।
पछिल्लो २४ घण्टामा नेपालमा थप १९ जनाको कोरोना संक्रमणबाट मृत्यु भएको छ । योसँगै कोरोना संक्रमणबाट मृत्यु हुनेको संख्या १ हजार ४५४ पुगेको मन्त्रालयले जनाएको छ ।
