जनकपुरधाम, १८ मंसिर । विश्वभर कोरोना भाइरस संक्रमितको छ करोड ४८ लाख ३४ हजार नाघेको छ । वल्र्डोमिटर्सको अद्यावधिक तथ्यांक अनुसार पछिल्लो २४ घण्टामा छ लाख ३४ हजार ५२४ संक्रमित थपिएसँगै संक्रमितको संख्या छ करोड ४८ लाख ३४ हजार ९५१ पुगेको हो ।
संक्रमितमध्ये हालसम्म चार करोड ३९ लाख ३४ हजार ८५१ निको भएका छन् । यसैगरी हालसम्म १ करोड ८४ लाख ९२५ सक्रिय संक्रमित छन् । सक्रिय संक्रमितमध्ये १ लाख छ हजार ४७२ जनाको स्वास्थ्य अवस्था जटिल रहेको तथ्यांकमा छ ।
पछिल्लो २४ घण्टामा थप १२ हजार ३७२ जनाको मृत्यु भएसँगै कोरोना संक्रमणबाट मृत्यु हुनेको संख्या १४ लाख ९९ हजार १७५ पुगेको तथ्यांकमा छ ।
