लहान, २० मंसिर । सिरहाका थप एक कोरोना संक्रमितको उपचारका क्रममा मृत्यु भएको छ । ज्वरो र श्वासप्रश्वासमा समस्या देखिएपछि मिर्चैया नगरपालिका–१ का ७५ वर्षीय पुरुषलाई नोबेल शिक्षण अस्पतालमा भर्ना गरिएको थियो ।
सोही क्रममा उनको पिसीआर परीक्षण गर्दा विहिवार कोरोना संक्रमण पुष्टि भएको थियो । उपचारकै क्रममा उनको गए राति मृत्यु भएको जिल्ला स्वास्थ्य कार्यालयका प्रमुख कृष्णदेव यादवले जानकारी दिए ।
योसँगै सिरहामा कोरोना संक्रमणबाट मृत्यु हुनेको संख्या २३ पुगेको स्वास्थ्य कार्यालयको तथ्यांकमा छ ।
