जनकपुरधाम । विश्वभर कोरोना भाइरस संक्रमितको संख्या ७ करोड ३१ लाख नाघेको छ । वल्र्डोमिटर्सको मंगलवार अद्यावधिक तथ्यांकअनुसार पछिल्लो २४ घण्टामा ५ लाख २८ हजार ३०७ जना कोरोना संक्रमित थपिएसँगै संक्रमितको संख्या ७ करोड ३१ लाख ९० हजार ४२७ पुगेको छ ।
सोही अवधिमा विश्वभर कोरोना संक्रमणबाट थप ८ हजार ५२९ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १६ लाख २७ हजार ९०० पुगेको छ । यसैगरी संक्रमतिमध्ये हालसम्म ५ करोड १३ लाख २४ हजार ४८९ निको भएका छन् ।
हाल विश्वभर २ करोड २ लाख ३८ हजार ३८ जना कोरोनाका सक्रिय संक्रमित छन् । सक्रिय संक्रमितमध्ये १ लाख छ हजार ५१७ जनाको स्वास्थ्य अवस्था गम्भीर छ ।
