जनकपुरधाम । नेकपा माओवादी केन्द्रको स्थायी कमिटी बैठकले आफ्ना सांसदहरुलाई २४ घण्टाभित्र सरकार छाड्न निर्देशन दिएको छ ।
पेरिसडाँडामा शनिवार सम्पन्न स्थायी कमिटी बैठकले माओवादी केन्द्रका तर्फबाट सांसद रहेका मन्त्रीहरूलाई सरकार छाड्न निर्देशन दिएको प्रवक्ता नारायणकाजी श्रेष्ठले जानकारी दिए ।
माओवादीका सांसदहरू गृहमन्त्री रामबहादुर थापा, ऊर्जामन्त्री टोपबहादुर रायमाझी, उद्योग मन्त्री लेखराज भट्ट, शहरी विकास मन्त्री प्रभू साह, श्रम मन्त्री गौरीशंकर चौधरी सरकारमा सहभागी छन् । यी नेताहरू माओवादी छाडेर नेकपा एमालेमा प्रवेश गरिसकेका भएपनि कारवाही प्रक्रिया अगाडि बढाउन माओवादी केन्द्रले औपचारिक निर्देशन दिएको हो ।
