जनकपुरधाम । प्रतिनिधिसभाको बैठक आज बस्दै छ । दिउँसो १ बजेदेखि बैठक शुरु हुने संसद सचिवालयले जनाएको छ ।
बैठकमा प्रधानमन्त्री केपी शर्मा ओलीले दुई वटा आयोगको वार्षिक प्रतिवेदन पेस गर्ने कार्यसूची समेत सार्वजनिक भएको छ । प्रधानमन्त्री ओलीले लोकसेवा आयोगको ६१ औँ वार्षिक प्रतिवेदन २०७७ र राष्ट्रिय मानव अधिकार आयोगको आर्थिक वर्ष २०७६/७७ को वार्षिक प्रतिवेदन पेस गर्ने कार्यसूची रहेको छ ।
यसैगरी पूर्व राष्ट्रियसभाका सदस्य एवं संविधानसभाका सदस्य अशोक कोइरालाको निधनमा शोक प्रस्ताव पारित गर्ने कार्यसूची पनि रहेको सचिवालयले निकालेको विज्ञप्तिमा उल्लेख छ । कोइरालाको गएको बुधवार निधन भएको थियो ।
