राजविराज, ९ चैत । उदयपुरको कटारी नगरपालिका–१० मा गए राति आगोमा जलेर एक ३ वर्षीय बालकको मृत्यु भएको छ । परालको कुन्युमा अचानक सल्केको आगो फैलिएर घरमा आगलागी हुँदा स्थानीय सुजन थापाको छोरा अरबिन्द्र थापाको जलेर मृत्यु भएको हो ।
आगलागीबाट थापाको २ तले कच्ची घरसहित घर भित्र रहेको डेढ लाख रुपैयाँसहित खाद्यान्न, लत्ता कपडा, भाँडावर्तन जलेको छ भने बाख्राको गोठसहित २ वटा बाख्राको पाठा समेत जलेर करिब ३० लाख बराबरको क्षति भएको ईलाका प्रहरी कार्यालय कटारीले जनाएको छ ।
यसैगरी छिमेकी प्रकाश थापाको पनि घरभित्र रहेको डेढ लाख नगदसहित खाद्यान्न, लत्ता कपडा, भाँडावर्तन, सुन÷चाँदीसहितका सरसमान जलेको छ । उनको करिब २८ लाख रुपैयाँ र अर्का छिमेकी मेख बहादुर थापाको २५ लाख रुपैयाँ बराबरको सरसमान जलेको प्रहरीले जनाएको छ ।
