जनकपुरधाम, २० चैत । पछिल्लो २४ घण्टामा नेपालमा थप १७९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका ३ हजार ५६५ जनाको आरटीपीसीआर परीक्षण गरिएकोमा १७९ जनामा संक्रमणको पुष्टि भएको हो ।
योसँगै कोरोना संक्रमितको संख्या २ लाख ७७ हजार ६४० पुगेको छ । यसैगरी २४ घण्टामा १११ जना संक्रमणमुक्त भएका छन् । हालसम्म संक्रमणमुक्त हुनेको संख्या २ लाख ७२ हजार ९६२ जना पुगेको मन्त्रालयले जनाएको छ ।
हाल नेपालमा १ हजार ६४७ जना सक्रिय संक्रमित छन् । दैनिक रुपमा संक्रमितको संख्या वृद्धि भइरहेकाले सक्रिय संक्रमितको संख्यामा समेत वृद्धि भएको छ । गत साताको अनुपातमा सक्रिय संक्रमितको संख्या करिब दोब्बर भएको छ भने हाल १ हजार ६४७ जना आइसोलेशनमा र ६१ जना क्वारेन्टिनमा छन् ।
नेपालमा हालसम्म ३ हजार ३१ जनाको कोरोना संक्रमणबाट मृत्यु भएको मन्त्रालयले उल्लेख गरेको छ ।
