राजविराज, २९ वैशाख । स्वास्थ्य कार्यालय सप्तरीले करार सेवामा कर्मचारी पदपूर्ति गर्न २० जना कर्मचारी माग गरेको छ । कार्यालयले बुधवार सूचना जारी गर्दै कोभिड–१९ महामारी नियन्त्रण गर्न खटाइने कर्मचारी भर्ना गर्न लागेको हो ।
सूचनाअनुसार मेडिकल अधिकृत ५ जना, स्टाफ नर्स परामेडिक्स १० जना, एनेस्थेसिया टेकनोलोजी, ल्याव असिस्टेन्ट र माइक्रोवायोलोजिष्ट १–१ जना तथा स्वीपर २ जना माग गरिएको छ ।
वैशाख ३१ गते दिउँसो ५ बजेसम्म कार्यालयमै उपस्थित भएर दरखास्त दर्ता गराउन सकिने कार्यालयका निमित्त प्रमुख दुनियालाल यादवले जानकारी दिए ।
