अनियमितताको आशंका, अख्तियारले थाले अनुसन्धान

राजविराज । सप्तरीको हनुमाननगर कंकालिनी नगरपालिकामा सञ्चालित योजनाहरुमा अनियमितता भएको भन्दै व्यापक उजुरी परेपछि अख्तियार दुरुपयोग अनुसन्धान आयोगले अनुसन्धान थालेको छ ।

सोही क्रममा बुधवार आयोगको प्राविधिकसहितको एक टोलीले योजनाहरुको स्थलगत अनुगमन गरेको छ भने निर्माण सम्पन्न भइसकेका केही सडक र नालाहरुको गुणस्तरीय परीक्षण गर्न ‘सेम्पल’ समेत लगेका छन् ।

‘धेरै उजुरी आएसँगै आयोगका प्राविधिकसहितको टोलीले स्थलगत अनुगमनकासाथै हनुमाननगर कङ्कालिनी नगरपालिका–६ मा निर्माण भएका सडक र नालाको सेम्पल कलेक्सन गरिएको छ’ आयोगका सूचना अधिकारी देवप्रसाद अधिकारीले भने–‘अन्य प्रक्रियाहरु अघि बढाइएको छ ।’

उता, नगरपालिकाका ईन्जिनियर अशोककुमार सिंहले आयोगका टोलीले पिसिसी ढलान सडकको सेम्पल लगेको बताए । उनका अनुसार सो सडकको फाइलहरु अघि नै आयोगले लगिसकेका छन् ।

Author:

क्याटोगरी छान्‍नुहोस