गौर– रौतहट प्रहरीले होहल्ला तथा अभद्र व्यवहार गरेको आरोपमा डेढ दर्जन टिकटकरलाई नियन्त्रणमा लिएको छ । सिया पैलेस होटेल, गौरमा मदिरा सेवन गरी हो हल्ला गरिरहेका ती टिकटकरहरूलाई नियन्त्रणमा लिइएको जिल्ला प्रहरी कार्यालय रौतहटका प्रमुख महेन्द्रकुमार श्रेष्ठले बताए ।
सो घटनाबारे छानबिन जारी रहेको उनले जानकारी दिए । उनकाअनुसार पक्राउ पर्नेमा गरुडा नगरपालिका–१ जयनगरका राजकुमार साह सहितका टिकटकर रहेका छन्।
पक्राउ गरिएका सबै दोषी नरहेको र घटनाबारे थप अनुसन्धान भइरहेको प्रहरी उपरीक्षक श्रेष्ठले बताए । सिया पैलेस होटलमा बसेकामहिला डाक्टरको कोठा ढक्ढक्याएर खोल्न लगाउने तथा अभद्र व्यवहार गरेको आरोपमा उनीहरुलाई नियन्त्रणमा लिइएको हो ।
राति १२ बजेसम्म तलको हलमा अश्लिल नृत्य तथा होहल्ला भई रहेको सूचना स्थानिय प्रशासनले पाएपछि प्रहरी पुगेका थिए ।
