राजविराज–बलात्कार गरेको आरोपमा सप्तरीको राजविराजका एक होटेल व्यवसायी पक्राउ परेका छन् । पक्राउ पर्नेमा राजविराज नगरपालिका–६ बस्ने २८ वर्षीय आकाश आदर्श रहेका छन् ।
आफु बलात्कारको शिकार भएकी भन्दै आकाशकै रेष्टुरेन्टमा कामकाम गर्ने महिलाले दिएको जाहेरीको आधारमा उनलाई पक्राउ गरिएको हो ।
गत असोज २१ गते सन्चो नभएका कारण कोठामा आराम गरिरहेकी महिलालाई ढोका खोल्न लगाई मुख थुनेर आकाशले धाकधम्की दिँदै बलात्कार महिलाको दावी रहेको जिल्ला प्रहरी कार्यालय सप्तरीका डीएसपी जितेन्द्रकुमार बस्नेतले जानकारी दिए ।
उनका अनुसार आकाशले बलात्कारको भिडिओ समेत बनाई सामाजिक सञ्जालमा भाइरल गरिदिन्छु भन्दै पटक पटक बलात्कारको प्रयास गरेको र उक्त भिडिओ ह्वाट्सएपमार्फत महिलाको मोबाइलमा पनि पठाएको थियो ।
आकाशमाथि म्याद थप गई अनुसन्धान भइरहेको डीएसपी बस्नेतले बताए । आकाश राजविराज नगरपलिका–४ स्थित तन्दुरी रेष्टुरेन्टका संचालक हुन् ।
