जनकपुरधाम–खोटाङबाट काठमाडौं हिँडेको सुमो ओखलढुंगामा दुर्घटना हुँदा तीन जनाको मृत्यु भएको छ ।
ना१ज ६४२१ नम्बरको सुमो ओखलढुंगाको माने भन्ज्याङ गाउँपालिकास्थित वडा नम्बर ६ र ७ को सीमानामा पर्ने भँडारे खोलामा दुर्घटना भएको प्रहरीले जनाएको छ ।
दुर्घटनामा खोटाङको केपिलागढी गाउँपालिका–३ का ५६ वर्षीया मायादेवी गुरुङ, उनको छोरा २८ वर्षीय पुजन गुरुङ र बहिनी दिक्तेल रुपाकोट मझुवागढी नगरपालिका–१२ की ४५ वर्षीया तारा गुरुङको मृत्यु भएको प्रहरी प्रमुख कृष्ण खड्काले जानकारी दिए ।
खोटाङबाट बिरामी मायालाई उपचारका लागि काठमाडौं हिँडेको सुमो रातको साढे १२ बजेतिर दुर्घटनामा परेको बताइएको छ ।
