सात सयबढी पशु चौपायाको निःशुल्क स्वास्थ्य परीक्षण र उपचार

राजविराज–सप्तरीको महादेवा गाउँपालिका–३, बथनाहामा ७ सयभन्दा बढी पशुचौपायाको निःशुल्क स्वास्थ्य परीक्षण र उपचार गरिएको छ ।

शुक्रबार खाद्य तथा पोषण सुरक्षा सुधार आयोजना, आयोजना कलष्टर इकाइ सप्तरीले आयोजना गरेको स्वास्थ्य शिविरमा निःशुल्क स्वास्थ्य परीक्षण र उपचार गरिएको हो ।

सो शिविरमा ५ सय ३९ खशीबाख्रा, १ सय ७४ गाईगोरु बाछाबाछी, ५५ वटा भैसी तथा पाडापाडीको स्वास्थ्य परिक्षण गरि उपचार गरिएको इकाइका पशु विकास अधिकृत डा. विनयविक्रम रत्नले बताए ।

उनकाअनुसार शिविरमा ६ सयबढी खशीबाख्रालाई पिपिआर विरुद्धको खोप समेत लगाइएको छ भने गोबर जाँच, गाइभैसीलाई एचएसप्लसविक्यू विरुद्ध भ्याक्सिन, डिपिङ्ग प्रविधिबाट बाहिरी परजीवी तथा सुइँ तथा औषधिको प्रयोगबाट आन्तरिक परजीवी नियन्त्रण गरि पशुचौपायाको उपचार गरिएको छ ।

शिविरमा निःशुल्क औषधि पनि वितरण गरिएको उनले बताए । भेटेनरी अस्पताल तथा पशु सेवा विज्ञ केन्द्र सप्तरी, राष्ट्रिय पशु प्रजनन कार्यालय लहानको प्राविधिक सहयोगमा संचालित उक्त शिविरमा विज्ञ केन्द्रका प्रमुख डा. रामपवित्र दास, राष्ट्रिय पशु प्रजनन कार्यालय लहानका पशुविज्ञ डा.विजय चौधरी लगायतकाले पशु स्वास्थ्य सेवा प्रदान गरेका थिए ।

Author:



क्याटोगरी छान्‍नुहोस