बारा–बाराको अमलेखगन्जस्थित ३ नम्बर पुल नजिक विहिबार विहान बस दुर्घटना हुँदा १५ जनाको मृत्यु भएको छ भने १५ बढी गम्भीर घाइते छन् ।
नारायणगढबाट वीरगंजतर्फ आउँदै गरेको बा. प्र ०६–००१ ख ०११० नम्बरको यात्रुबाहक बस अनियन्त्रित भइ सडकबाट १५/२० मिटर तल खोलामा खसेको हो । दुर्घटनामा हालसम्म ९ पुरुष र ६ महिलाको मृत्यु भएको ईलाका प्रहरी कार्यालय सिमराले जनाएको छ ।
जितपुरसिमरा उपमहानगरपालिका–२२ मा दुर्घटनामा परेको सो बसमा ५१ जना यात्रु रहेको प्रहरीले बताएको छ ।
दुर्घटनाका घाइतेहरुलाई उपचारका लागि हेटौंडा पठाइएको छ भने थप विवरण अझैं आउन बाँकी रहेको इलाका प्रहरी कार्यालय सिमराका प्रहरी नायब उपरीक्षक युवराज तिमलसिनाले जानकारी दिए ।
