कोरोनाबाट मृत्यु भएका व्यक्तिको परिवारका पाँच जनामा कोरोना

राजविराज । सप्तरीमा कोरोना लागेर मृत्यु भएको परिवारको स्वाब परीक्षण गर्दा पाँच जनामा कोरोना पोजेटिभ आएको छ ।
स्वास्थ्य कार्यालयको टोलीले शुक्रवार स्वाब संकलन गरी परीक्षणकालागि राजविराज स्थित कोभिड १९ परीक्षण प्रयोगशाला पठाईएको थियो । स्वास्थ्य कार्यालयका प्रमुख दुनियालाल यादवका अनुसार मृतक परिवारका पाँच जनामा कोरोना पाजेटिभ पाईएको छ । गत विहीबार राती धरान स्थित वि.पी. कोइराला स्वास्थ्य विज्ञान प्रतिष्ठान धरानमा मृत्यु भएका राजविराज नगरपालिका वडा नम्वर ६ का ७३ वर्षिय पुरुषमा कोरोना पोजेटिभ पाईएको थियो ।