राजविराज। कोरोनाका कारण भारतमा शनिवारसम्म ३१ हजार ३ सय ५८ जनाको मृत्यु भएको छ । विश्व स्वास्थ्य संगठनका अनुसार शनिवार मात्रै भारतमा ४८ हजारभन्दाबढी कोरोना संक्रमित थपिएका छन् । भारतमा ४८ हजार ९ सय १६ संक्रमित थपिएको जनाएको छ ।
शुक्रबार अहिलेसम्मकै सबैभन्दा धेरै ४९ हजार ३ सय १० कोरोना संक्रमित थपिएका थिए । हालसम्म भारतमा कोरोना संक्रमितको संख्या १३ लाख ३६ हजार ८ सय ६१ पुगेको विश्व स्वास्थ्य संगठनले जनाएको छ ।
भारतमा लकडाउन खेलेसँगै कोरोना संक्रमितको संख्या तीव्र गतिमा बढेको छ । भारत सबैभन्दा धेरै कोरोना संक्रमित हुने देशकोे संख्यामा तेस्रो स्थानमा रहेको जनाएको छ ।
