राजविराज । विश्वभर गूगलका सेवाहरु सोमवार साँझ झण्डै ४० मिनेटसम्म प्रभावित रह्यो । नेपाली समयअनुसार साँझ करिब ५ बजेर ४१ मिनेटबाट लगइन र एक्सेसमा समस्या भई साँझ ६ बजेर १५ मिनेटमा गएर रि–स्टोर भयो ।
सो अवधिमा गूगलका १९ वटा सेवाहरु प्रभावित रह्यो । गूगलका अनुसार यूट्युबमा ६० सेकेण्डमा ५ सय घण्टासम्मको डाटा अपलोड हुन्छ । यसअनुसार ४० मिनेटसम्मको अवधिमा २० हजार घण्टा डाटा अपलोड हुन सकेन । सो अवधिमा करिब ५० लाख करोड प्रयोगकर्ताले ईमेल पठाउन सकेन ।
एक अनुमानका अनुसार यू–ट्युवलाई करिब ९ दशमलव ४१ करोड घाटा भएको छ । यूट्युव एक मिनेटमा करिब ३२ हजार डलर आम्दानी गर्छ ।
गूगलले जानकारी गरायो डाउन हुने कारण
रिपोर्टका अनुसार इन्टरनल स्टोरेज कोटामा देखिएको समस्याले सेवाहरु प्रभावित भएको गूगलले जानकारी दिए । सो समयमा प्रयोगकर्तालाई आँर्थोटिकेशनको समस्या झेल्नु पर्यो ।
यद्यपी अहिले सामान्य भइसकेको र अब यस्ता समस्या आउन नदिनकालागि अनुसन्धान भइरहेको छ ।
Update — We’re back up and running! You should be able to access YouTube again and enjoy videos as normal https://t.co/NsGBvvaTko
— TeamYouTube (@TeamYouTube) December 14, 2020
यी १९ वटा सेवाहरु प्रभावित रह्यो
जीमेल, यूट्युब, क्यालेण्डर, ड्राइभ, डाँक्स, शीट्स, स्लाइड्स, ग्रुप्स, हैंगआउट्स, चैट, मीट, वाँल्ट, करन्ट्स, फाँम्र्स, क्लाउड सर्च, किप, टास्क र भोइस ।
यी प्रभावित भएन
गूगल सर्च इन्जिन र म्याप
ब्रिटिसबाट प्रकाशित मिरर अखबारका अनुसार विश्वभर ५४ प्रतिशत प्रयोगकर्ताले यूट्युबलाई एक्सेस गर्न सकेन । यसैगरी ४२ प्रतिशतले भिडिओ हेर्न पाए भने ३ प्रतिशतले लगइन नै गर्न सकेन ।
यसअतिरिक्त जीमेलमा ७५ प्रतिशतले लगइन गर्न सकेन भने १५ प्रतिशतले वेबसाइटलाई नै एक्सेस गर्न सकेन । यसैगरी ८ प्रतिशले म्यासेज नै रिसीभ गर्न पाएन ।
