राजविराज, ८ माघ । हुलाकी राजमार्ग अन्तर्गत सप्तरीको खडक नगरपालिका–११ बनौलीस्थित मोटरसाईकल दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन् । पूर्वतर्फ आउँदै गरेको तीन जना सवार प्र.२–०१–००१–६१४६ मोटरसाईकल अनियन्त्रित भएर मध्येराति दुर्घटना भएको हो ।
दुर्घटनामा मोटरसाईकल चालक खडक नगरपालिका–११ बनौलीका २१ वर्षीय शिवेन्द्र साह र बीचमा सवार सोही ठाउँका २५ वर्षीय अरविन्द यादवको मृत्यु भएको छ । दुर्घटनामा परेर गम्भीर घाइते भएका दुवै जनाको उपचारकोलागि अस्पताल लैजाने क्रममा मृत्यु भएको जिल्ला प्रहरी कार्यालयका प्रहरी नायव उपरीक्षक (डिएसपी) भुवनेश्वर प्रसाद साहले जानकारी दिए ।
मोटरसाईकलमा पछाडी सवार घाइते भएका २१ वर्षीय सुनीलकुमार चौधरीको राजविराजस्थित छिन्नमस्ता अस्पतालमा भर्ना गरिएको छ । सुनीलको टाउको र शरीरको विभिन्न भागमा चोट लागेको जनाएको छ ।
मृतकको शव शल्यक्रियाकोलागि गजेन्द्रनारायण सिंह अस्पताल राजविराज ल्याइएको छ भने दुर्घटनाबारे थप अनुसन्धान भइरहेको डिएसपी साहले बताए ।
यो पनिः
राजविराजतर्फ आउँदै गरेको माइक्रो दुर्घटना हुँदा ३ को मृत्यु, ८ जना घाइते
