जनकपुरधाम, ७ वैशाख । नेपालमा थप १६ सय ६७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १६ सय ६७ जनामा संक्रमण पुष्टि भएको हो ।
यससहित संक्रमितको संख्या २ लाख ८७ हजार ५६७ पुगेको छ । सोहीअवधिमा २५१ जना निको भएको मन्त्रालयको तथ्यांकमा छ । यससहित निको हुनेको संख्या २ लाख ७५ हजार ८०६ पुगेको छ । हाल नेपालमा ८ हजार ६५९ सक्रिय संक्रमित छन् ।
यसैगरी २४ घण्टामा कोरोना संक्रमणबाट थप ११ जनाको मृत्यु भएको छ । यससहित नेपालमा कोरोना संक्रमणबाट मृत्यु हुनेको संख्या ३ हजार १०२ पुगेको जनाएको छ ।
