राजविराज, १२ वैशाख । सप्तरीमा एकै परिवारका ११ जनासहित आइतवार थप १४ जनामा कोरोना भाइरसको संक्रमण पुष्टि भएको छ ।
डाक्नेश्वरी नगरपालिका–३ तरही हटैलका ७ महिला र ४ पुरुष गरी ११ जनामा संक्रमण पुष्टि भएको स्वास्थ्य कार्यालय सप्तरीका निमित्त प्रमुख दुनीयालाल यादवले जानकारी दिए ।
यसैगरी राजविराज–९ की एक महिला, हनुमाननगर कंकालिनी नगरपालिका–४ का एक तथा विष्णुपुर गाउँपालिका–१ का एक पुरुषमा संक्रमण पुष्टि भएको छ । योसँगै सप्तरीमा सक्रिय संक्रमितको संख्या २६ जना पुगेको स्वास्थ्य कार्यालयका निमित्त प्रमुख यादवले बताए ।
