बिराटनगर । जंगली हात्तीको आक्रमणमा परेर मेचीनगर नगरपालिका मागुरमाडीका एक जनाको मृत्यु भएको छ। मंगलबार बिहान ४५ वर्षीय श्याम राइको हात्तीको आक्रमणमा परेर मृत्यु भएको इलाका प्रहरी कार्यालयले जनाएको छ।
गएराति १२:३० बजे गाउँमा आएको जंगली हात्ती खेदाउनेक्रममा राईलाई हात्तीले आक्रमण गरी गम्भीर घाइते बनाएको जिल्ला प्रहरी कार्यालय झापाका प्रवक्ता प्रहरी नायव उपरीक्षक राकेश थापाले जानकारी दिए।
टाउको र खुट्टामा गम्भीर घाइते भएका राईलाई उपचारका लागि मेची अस्पताल भद्रपुर लगिएको थियो। उपचारकै क्रममा मंगलबार बिहान २:३० बजे निधन भएको प्रवक्ता थापाले जानकारी दिए।
