जनकपुरधाम । पर्साको वीरगञ्जमा आफैँले बोकेको बन्दुकको गोली लागेर एक जना सैनिक घाइते भएका छन् ।
पोखरिया नगरपालिका- ५ घर भएका २२ वर्षीय श्यामबाबु प्रसाद चौहानको चिउँडोमा गोली लागेको छ । उनी पर्साको वीरगञ्जस्थित नेपाली सेनाको चण्डीप्रसाद गणमा कार्यरत थिए ।
आइतबार साँझ उनको ड्युटी थियो । ड्युटीकै समयमा गोली पड्किएको आवाज आएको थियो । गोली लागेर घाइते भएका चौहानलाई उपचारका लागि नारायणी अस्पताल वीरगञ्ज लगिएको थियो । त्यसपछि थप उपचारका लागि नेसनल मेडिकल कलेज लगियो ।
चौहानलाई थप उपचारका लागि काठमाडौं लैजाने तयारी भइरहेको बताइएको छ ।
