राजविराज, ३ फागुन । सप्तरीको डाक्नेशवरी नगरपालिका–९ महुकीमा ट्याक्टर दुर्घटना हुँदा एक जनाको मृत्यु भएको छ भने दुई जना गम्भीर घाइते भएका छन् ।
अर्नाहाबाट पत्थरगाढातर्फ गइरहेको स १ त ६१०८ नम्वरको रडलोड गरिएको ट्याक्टर अनियन्त्रित भएर गए राति दुर्घटना भएको हो । दुर्घटनामा छिन्नमस्ता गाउँपालिका–३ का ३७ वर्षीय सन्तोष सदाको मृत्यु भएको छ ।
दुर्घटनामा गम्भीर घाइते भएका सदाको उपचारको लागि राजविराजस्थित गजेन्द्रनारायण सिंह अस्पतालमा भर्ना गरिएको थियो । उपचारकै क्रममा उनको मृत्यु भएको सप्तरीका प्रहरीका प्रवक्ता प्रहरी नायव उपरीक्षक माधवप्रसाद काफ्लेले जानकारी दिए ।
सोही दुर्घटनामा छिन्नमस्ता गाउँपालिका–३ कै २९ वर्षीय श्रीप्रसाद मण्डल र १८ वर्षीय युवराज सदा गम्भीर घाइते भएका छन् । दुवै जनाको राजविराजस्थित गजेन्द्रनारायण सिंह अस्पतालमा उपचार भइरहेको छ ।
दुर्घटनाबारे थप अनुसन्धान भइरहेको प्रहरी नायव उपरीक्षक काफ्लेले बताए ।
