समाचार प्रभावः रोहितालाई समायोजन भएको कार्यालयमा हाजिर हुन मन्त्रालयको निर्देशन

राजविराज । गजेन्द्रनारायण सिंह अस्पताल राजविराजका अधिकृत छैठौं पदमा कार्यरत कामेश्वर प्रसाद रोहितालाई समायोजन भएका कार्यालयमा हाजिरी हुन निर्देशन जारी भएको छ ।

‘मधेश लाइभ डटकम’ले ‘जिन्सी शाखाका कर्मचारी रोहितोको अटेरी’ शीर्षकमा समाचार प्रकाशन गरेपछि संघीय मामिला तथा समान्य प्रशासन मन्त्रालयले शुक्रवारै अस्पताललाई पत्राचार गर्दै तत्काल रोहितालाई रमाना दिन भनेको छ ।

‘प्रस्तुत विषयमा त्यहाँ कार्यालयमा कार्यरत अधिकृतस्तर छैठौं कामेश्वर प्रसाद रोहिताको समायोजन मधेश प्रदेशमा भए पनि हालसम्म त्यहाँ हाजिर नभएकोले तुरुन्त रमाना दिई समायोजन भएको कार्यालयमा हाजिरी हुन निर्देशानुसार अनुरोध छ’, मन्त्रालयले अस्पतालाई पठाएको पत्रमा उल्लेख छ ।

मुख्यमन्त्री तथा मन्त्री परिषद्को कार्यालयले रोहितालाई ०७७ भदौ ३० गते नै भु तथा जलाधार व्यवस्थापन कार्यालय लहानमा पदस्थापन संशोधन गरिएको थियो । जसअनुसार गत पुस ३० गते अस्पताल प्रशासनले सरकारी नगदी जिन्सी तथा अन्य महत्वपूर्ण कागजातहरु अस्पतालका नायब सुब्बा (नासु) रेमन्त कुमार यादवलाई बरबुझारथ गरी रमाना पत्र लिन भनेको थियो । तर, रोहिताले अन्य समानहरुको बरबुझारथ गरेता पनि जिन्सी शाखाका सरसमानहरुको बरबुझारथ नगरी अटेरी गर्दै आएका थिए ।

Author:

क्याटोगरी छान्‍नुहोस