जनकपुरधाम । स्थानीय तह निर्वाचनका लागि आज पनि मनोनयन दर्ता हुँदैछ । निर्वाचन तालिकाअनुसार वैशाख ११ र १२ गते मनोनयन दर्ता गर्ने समय तोकिएको छ ।
जसअनुसार हिजो (आइतबार)पनि मनोनयन दर्ता भएको छ । हिजो साना दल र स्वतन्त्र उम्मेदवारहरूले मनोनयन दर्ता गराए पनि विशेषगरी सत्ता गठबन्धन र प्रमुख प्रतिपक्षी दलबाट धेरैजसो ठाउँमा आज मनोनयन दर्ता गराउँदैछन् ।
निर्वाचनका आयोगका अनुसार ७ सय ५३ स्थानीय तहमा ३५ हजार २ सय २१ पदका लागि मनोनयन दर्ता हुने भए पनि आइतबार १० हजार ५ सय २३ जनाको मात्र उम्मेदवारी परेको छ । मनोनयन दर्ता भएका उम्मेदवारको सूची आजै प्रकाशन गरिनेछ ।
