काठमाडौं – सर्वोच्च अदालतका नवनियुक्त प्रधान न्यायाधीश विश्वम्भरप्रसाद श्रेष्ठले पद तथा गोपनीयताको शपथ लिएका छन् ।
राष्ट्रपति कार्यालय शीतल निवासमा आायेजित एक समारोहकाबीच राष्ट्रपति रामचन्द्र पौडेलले श्रेष्ठलाई पद तथा गोपनियताको सपथ गराएका हुन् । संसदीय सुनुवाई समितिले श्रेष्ठको नाम सोमबार अनुमोदन गरेको थियो ।
श्रेष्ठलाई राष्ट्रपति पौडेलले हिजो सोमबनर नै प्रधानन्यायाधीशमा नियुक्त गरेका थिए । हरिकृष्ण कार्कीले प्रधानन्यायाधीशबाट गत साउन २० गते उमेरहदका कारण अवकाश लिएपछि सर्वोच्च अदालतका वरिष्ठ न्यायाधिश श्रेष्ठलाई संवैधानिक परिषदले सर्वोच्च अदालतको प्रधानन्यायाधीशमा सिफारिस गरेको थियो ।
संसदीय सुनुवाई समितिले नामअनुमोदन गरेसँगै प्रस्तावित प्रधानन्यायाधीश श्रेष्ठलाई राष्ट्रपतिले नियुक्त गर्ने संवैधानिक व्यवस्था छ ।
