जनकपुरधाम–मधेश सरकारका तत्कालिन अर्थमन्त्री सञ्जयकुमार यादवले आर्थिक वर्ष २०७९/८० मा मनोमानी ढंगले रकमान्तर गरेको भन्दै विवादपछि गठित विशेष संसदीय छानबिन समितिले सभामुखलाई प्रतिवेदन बुझाएको छ ।
लोकतान्त्रिक समाजवादी पार्टी (लोसपा) नेपालका संसदीय दलका उपनेता उपेन्द्र महतोको नेतृत्वमा गठित संसदीय छानबिन समितिले सभामुख रामचन्द्र मण्डललाई आइतबार प्रतिवेदन बुझाएको हो ।
अर्थ मन्त्रालयमा ठूलो मात्रामा भएको अनियमित रकमान्तर विषयमा सत्ता साझेदार नेकपा (एमाले)को माग अनुसार २६ असार २०८० मा प्रदेश सभाले समिति गठन गरेको थियो ।
उक्त समितिमा मधेश प्रदेशसभामा प्रतिनिधित्व गर्ने १० वटा दलका एक–एक जना सांसद छन् ।
