राजविराज-सप्तरीको शम्भुनाथ नगरपालिका-५ मोहनपुरमा मंगलबार बिहान ट्रक दुर्घटना हुँदा चालकको मृत्यु भएको छ ।
पूर्व पश्चिम राजमार्गअन्तर्गत मधेश प्रदेश-०३-००१ ख ८१८१ नम्बरको क्लिंकर लोड गरेको १२ चक्के ट्रक पुलबाट १५/२० मिटर तल खसेर दुर्घटना भएको हो ।
दुर्घटनामा चालक मोरङको उर्लाबारी-१ का २५ वर्षीय सबिन राईको मृत्यु भएको सप्तरी प्रहरीले जनाएको छ । ट्रकभित्र नै चेपिन गई चालक राईको घटनास्थलमा नै मृत्यु भएको थियो ।
