रामशंकर भण्डारी
राजविराज–सप्तरीमा ‘पैसा डब्बल’ गर्ने नाममा ठगी धन्दा चलाउने गिरोहका ‘मास्टरमाइन्ड’ रामबहादुर रजक उर्फ हनुमानीलाई पक्राउ गरी सार्वजनिक गरिएको छ ।
जिल्ला प्रहरी कार्यालयले सोमबार पत्रकार गर्दै उनलाई सार्वजनिक गरेको हो ।
पत्रकार सम्मेलनमा एसपी ढकेन्द्र खतिवडाले हरिनारायण यादव लगायतकाले दिएको जाहेरीका आधारमा जिल्लाको तिलाठी कोइलाडी गाउँपालिका–७ बभनगामा बस्ने ४८ वर्षीय रजकलाई पक्राउ गरिएको बताए ।
ती गिरोहमा संलग्न रहेका अन्य व्यक्तिको खोजि भइरहेको छ भने पक्राउ परेका रजकमाथि ठगी तथा आपराधिक विश्वास कसूरमा मुद्दा चलाउने तयारी गरिएको जनाइएको छ ।
पीडितहरुकाअनुसार ती गिरोहले पैसा डब्बल पार्नेदेखि विभिन्न मुद्दामा पक्राउ परेकालाई हिरासत र कारागारबाट छुटाउने नाममा ठगी गर्दै आएका थिए । तर, ती गिरोहले फैलाएको त्रास र डरका कारण पीडितहरुले प्रहरीमा उजुरी दिन सकेका थिएन ।
ती गिरोहबारे ‘मधेशलाईभ’ले समाचार सार्वजनिक गरेपछि पीडितहरु खुल्न थालेका छन् ।
यो पनिः
पैसा डब्बल गर्ने गिरोहका ‘मास्टरमाइन्ड’ हनुमानी पक्राउ (फलोअप)
पैसा डब्बल गर्ने गिरोहका ‘मास्टरमाइन्ड’ रामबहादुर उर्फ हनुमानी (फलोअप)
