राजविराज, १९ बैशाख । सप्तरीको सुरुङ्गा नगरपालिका–५ स्थित कुशहा नजिकै पूर्व–पश्चिम राजमार्गमा विहीबार बिहान भएको सवारी दुर्घटनामा एक पुरुषको ज्यान गएको छ ।
जिल्ला प्रहरी कार्यालय सप्तरीका अनुसार, बिहान १ बजे पूर्वबाट पश्चिमतर्फ जाँदै गरेको बा ६७ प ९५७६ नम्बरको मोटरसाइकलले सडक छेउमा रोकी राखिएको प्र २–०१–००१ क ००४५ नम्बरको टिपरलाई पछाडिबाट ठक्कर दिएको हो । दुर्घटनामा मोटरसाइकल चालक अन्दाजी ४० वर्षको पुरुष गम्भीर घाइते भएका थिए । उनलाई तत्कालै उपचारका लागि सिराहास्थित प्रादेशिक अस्पताल लहान लगिएको थियो । तर, उपचारकै क्रममा उनको मृत्यु भएको प्रहरीले जनाएको छ ।
