जनकपुरधाम । प्रधानन्यायाधीश चोलेन्द्रशम्शेर जबराविरुद्ध दर्ता गरिएको महाभियोगबारे पार्टीलाई जानकारी नभएको सत्तारुढ गठबन्धनको एक घटक जसपाका नेताहरूले बताएका छन्।
जसपा प्रचार विभाग प्रमुख डम्बर खतिवडाले आफ्नो पार्टीमा त्यसबारे कुनै सरसल्लाह, छलफल नभएको बताए। ‘जसपाको पनि समर्थन छ भनिएको छ रे तर हामीले यसबारे समाचार पढेर मात्र जानकारी पायौँ,’ खतिवडाले आयोमेलसँग भने, ‘यसबारे शीर्ष नेताहरूलाई नै सोध्नुपर्छ।’
जसपा अध्यक्ष उपेन्द्र यादवले पनि प्रधानन्यायाधीशविरुद्ध महाभियोग दर्ताबारे अनभिज्ञता प्रकट गरे। ‘म काठमाडौं बाहिर छु। यसबारेमा मलाई जानकारी छैन,’ यादवले भने।
