राजविराज – मधेश प्रदेशका सामाजिक विकास मन्त्री नवलकिशोर साहले गरिबी र बेरोजगारीको समस्याले जकडिएको सप्तरीमा त्यसका विरुद्ध लड्नसक्ने नेतृत्वको आवश्यकता रहेको बताएका छन् ।
शनिवार सप्तरीको क्षेत्र नम्बर १ अन्तर्गत महादेवपट्टीमा आयोजित चुनावी सभालाई सम्बोधन गर्दै उनले यस्तो बताएका हुन् ।
उक्त क्षेत्रमा जनता समाजवादी पार्टी नेपालका तर्फबाट प्रतिनिधी सभाका प्रत्यासी समेत रहेका साहले कतिपयले आफ्नो पार्टीलाई जातीयतासित जोडेर अनर्गल प्रचार गरिरहेको भन्दै त्यसप्रति सचेत रहन समेत आग्रह गरेका छन् ।
सोही कार्यक्रममा जसपाका तर्फबाट राष्ट्रियसभा सदस्य रहेका मौलाना अब्दुल सिद्धिकीले नेकपा एमालेसित आफ्नो पार्टीले गरेको चुनावी समिकरणलाई नकारात्मक टिप्पणी गर्ने विपक्षीले आफुहरुको तालमेलका बारेमा पनि मूल्याङ्कन गर्न आग्रह गरे । कार्यक्रममा नेकपा एमालेका केन्द्रीय सदस्य एवम् सप्तरी ईञ्चार्ज दिवाकर देवकोटा, पूर्व सांसद एवम् केन्द्रीय सदस्य सरिता गिरी लगायतले बोलेका थिए ।
