जनकपुरधाम । प्रहरी प्रधान कार्यालयले नेपाल प्रहरीका उपरिक्षक (एसपी) र नायव उपरीक्षक (डीएसपी)हरुको सरुवा गरेको छ । प्रहरी महानिरीक्षक शैलेश थापा क्षेत्रीले मंगलबार ३० जना एसपी र ६९ जना डीएसपीहरुकाे सरुवा गरेका हुन् ।
सरुवा सूचीअनुसार जिल्ला प्रहरी कार्यालय धनुषामा प्रकाश रानाभाटलाई सरुवा गरिएको छ।
पर्सामा एसपी बेलबहादुर पाण्डे, झापामा सानुराम भट्टराई, मकवानपुरमा सोमेन्द्र सिंह राठौर, काभ्रेपलाञ्चोकमा भुपेन्द्र बहादुर खत्री, बारामा दिपेन्द्र शाहीलाई र सिन्धुलीमा आभुषण तिम्सिनालाई पठाईएको छ।
मंगलबार प्रकाशित सूचनाअनुसार डीएसपी कवित कटवालले जिल्ला प्रहरी कार्यालय, सोलुखुम्बुको जिम्मेवारी पाएका छन्। सोलुखुम्बुका डीएसपी टेकुनन्द इवा लिम्बुको अपराध अनुसन्धान विभाग, नक्सालमा सरुवा भएको छ।
