विराटनगर । सुनसरीमा प्रतिबन्धित लागुऔषध सहित १ जनालाई प्रहरीले पक्राउ गरेको छ । पक्राउ पर्नेमा धरान उप–महानगरपालिका–५ का २८ बर्षीय सुवास राई रहेका छन् ।
लागुऔषध बेचबिखन भईरहेको, गोप्य सुचनाका आधारमा खटिएको प्रहरीले राईको घरमा खानतलासी गर्दा स्पासपेन ७४२ ट्यावलेट, ट्रमाडोल ७१४ क्यापसुल र टापेन ४० ट्यावलेट गरी जम्मा १ हजार ४९६ ट्यावलेट तथा क्याप्सुल बरामद गरेको हो । उनी माथी थप अनुसन्धान भईरहेको इलाका प्रहरी कार्यालय धरानले जनाएको छ ।
