जनकपुरधाम–सिमलताल बस दुर्घटनामा परी मृतकका परिवारलाई मधेश प्रदेश सरकारले एक÷एक लाखको चेक हस्तान्तरण गरेको छ ।
सिमलताल बस दुर्घटनाका मृतकका परिवारलाई जनही एक/एक लाखको चेक हस्तान्तरण गरिएको मुख्यमन्त्रीको कार्यालयले जनाएको छ ।
करिब तीन महिना पछाडि सिमलताल बस दुर्घटनामा ज्यान गुमाएका परिवारलाई शुक्रबार चेक हस्तान्तरण गरिएको मुख्यमन्त्री सतिशकुमार सिंहले जानकारी दिएका छन् ।
उनका अनुसार प्रदेशका चार जिल्लाको ३९ जना मृतकका परिवारलाई जनही एक/एक लाख रुपैयाँको दरले चेक हस्तान्तरण गरिएको हो ।
मुख्यमन्त्री सिंहले सबै जिल्लाका प्रमुख जिल्ला अधिकारीले सनाखत गरेर पठाएको विवरणका आधारमा चेक वितरण गरेको बताए ।
गएको २८ असारमा नारायणगढ–मुग्लिङ सडकस्थित सिमलतालमा दुइवटा बस दुर्घटनामा परेको थियो । दुर्घटनामा पर्साबाट १०, बाराबाट ६, रौटहटबाट १९ र सर्लाहीबाट ४ जनाले ज्यान गुमाएका थिए ।
