काठमाडौं, ३ वैशाख । राष्ट्रपति रामचन्द्र पौडेलले संघीय संसद्का दुवै सदनको अधिवेशन आह्वान गर्नुभएको छ। मन्त्रिपरिषद्को सिफारिसमा आउँदो वैशाख १२ गते शुक्रबार दिउँसो १ः०० बजे अन्तर्राष्ट्रिय सम्मेलन केन्द्र, नयाँ बानेश्वरमा अधिवेशन बस्नेगरी संघीय संसद्को अधिवेशन आह्वान गरिएको हो।
नेपालको संविधानको धारा ९३ को उपधारा (१) अनुसार मन्त्रिपरिषद्को सिफारिसमा संसद् अधिवेशन आह्वान गरिएको राष्ट्रपति कार्यालयकी प्रवक्ता शैलजा रेग्मी भट्टराईद्वारा आज जारी विज्ञप्तिमा उल्लेख गरिएको छ।
