राजविराज-सप्तरीको राजगढ गाउँपालिका-५ मलेकपुरमा शनिबार दिउँसो सडक दुर्घटना हुँदा दुई जना युवकको मृत्यु भएको छ ।
हुलाकी सडक खण्डमा इट्टा लोड भएको स १ त ५४४२ नम्बरको ट्याक्टर र राजविराजबाट जाँदै गरेको म.प्र.०२-०१९ प ९६२६ नम्बरको मोटरसाइकल ठोक्किएर दुर्घटना भएको हो ।
दुर्घटनामा परेर मोटरसाइकलमा सवार तीन जना युवकमध्ये दुई जनाको मृत्यु भएको एसपी ढकेन्द्र खतिवडाले जानकारी दिए । उनकाअनुसार दुर्घटनामा घाइते भएका उनीहरुलाई उपचारको लागि गजेन्द्रनारायण सिंह अस्पताल राजविराज ल्याउॅंदैगर्दा मृत्यु भएको छ ।
मृतक दुवै जनाको पहिचान हुन सकेको छैन् । दुर्घटनामा २० वर्षिय युवक गम्भिर घाइते भएका छन् । उनको छिन्नमस्ता अस्पाताल राजविराजमा उपचार भइरहेको छ भने दुर्घटनापछि फरार भएका ट्याक्टर चालकको खोजि भइरहेको प्रहरीले जनाएको छ।
