जनकपुर, २२ मंसिर। प्राविधिक शिक्षा तथा व्यावसायिक तालिम परिषद् (सीटीइभीटी)ले १५ वटा कलेजलाई नर्सिङको प्रमाणपत्र तहको भर्ना प्रक्रिया स्थगित गर्न निर्देशन दिएको छ ।
सीटीइभीटीको परीक्षा नियन्त्रण कार्यालयले बुधवार सूचना जारी गर्दै शैक्षिक सत्र २०७८/०७९ का लागि नर्सिङको प्रमाणपत्र तहको भर्ना प्रक्रिया स्थगित गर्न निर्देशन दिएको हो ।
ती कलेजले नर्सिङको प्रमाणपत्र तहमा पढाइ सञ्चालन गर्नु चिकित्सा शिक्षा ऐन २०७५ को दफा ४२ र चिकित्सा शिक्षा आयोगको २०७७ साउन ३० गतेको निर्णयको प्रतिकुल हुने सीटीईभीटीले जनाएको छ ।
त्यस्तै ती कलेजले प्रमाणपत्र तहको नर्सिङमा भर्नाका लागि विद्यार्थीबाट लिएको शुल्क पनि फिर्ता गर्नुपर्ने सीटीईभीटीले जनाएको छ ।
