राजविराज – मिटरब्याजी (अनुचित लेनदेन) का अभियुक्त सप्तरीको राजविराज नगरपालिका–७ बस्ने हेम नारायण झा पुर्पक्षका लागि कारागार (जेल) चलान भएका छन् ।
झाविरुद्ध श्रीहरिनारायण रजक, मो.तजमुल मिँया र कौशल्या देविले मिटरब्याजीको जाहेरी दिएका थिए ।
ठगी तथा अपराधिक विश्वासघात मुद्दामा अनुसन्धान पश्चात सप्तरी जिल्ला अदालतमा फाइल पेस गरिएको थियो ।
जिल्ला अदालतले बिहिवार झाविरुद्ध २५ लाख रुपैयाँ धरौटी माग गरिएकोमा सो रकम तिर्न नसक्दा उनी पुर्पक्षका लागि कारागार चलान भएको सप्तरीका प्रहरी प्रमुख प्रहरी उपरीक्षक नरेन्द्रकुमार कार्कीले जानकारी दिए ।
